واٸلڈ لاٸف بہاولنگر کی کاروائی، نایاب نسل کا بلیک ریچھ برآمد، عدالت نے چڑیا گھر منتقل کرنے کا حکم دے دیا۔
ہارون آباد ( زاہد حسین انجم سے) واٸلڈ لاٸف بہاولنگر کے اسسٹنٹ ڈراٸکٹر منور حسین نجمی نے عملے سے ملکر کارواٸی کرتے ہوٸے مداری ماسٹر محمد اسلم ولد محمد امین سے ایک عد د نایاب نسل کا بلیک ریچھ برآمدکر کے مجسٹریٹ دوٸم کی عدالت میں پیش کردیا۔ مجسٹریٹ مرزا نعیم بیگ ہارون آباد نے مداری ماسٹر محمد اسلم کو نایاب ریچھ رکھنے پر دس ہزار روپے جرمانہ کرتے ہوٸے ریچھ کو چڑیا گھر بہاولنگر میں منتقل کرنے کاحکم کردیا۔اس موقع پر اسسٹنٹ ڈراٸکٹر منور حسین نجمی کا کہنا تھاکہ شہری آبادی میں خطرناک جانوروں کو رکھنا یا پالنا کسی بھی خطرے سے کم نہیں ہے اور خطرناک جانوروں سے شہریوں کی حفاظت ہماری اولین ترجیحات میں شامل ہے۔