گرلز سکول کے ملازم کی شادی شدہ خاتون کے ساتھ جنسی زیادتی۔ ایف آئی آر درج۔ بچیوں کے والدین کا ملازم کو فوری تبدیل کرنے اور سخت محکمانہ کاروائی کا مطالبہ
بہاولنگر (سیف الرحمن سے) گرلز سکول کے ملازم کی شادی شدہ خاتون کے ساتھ جنسی زیادتی۔ ایف آئی آر درج۔ بچیوں کے والدین کا ملازم کو فوری تبدیل کرنے اور سخت محکمانہ کاروائی کا مطالبہ۔
تفصیلات کے مطابق گورنمنٹ گرلز ایلیمنٹری سکول چک رام پورہ کے ملازم انتظار نامی نے شادی شدہ خاتون سے جنسی زیادتی کی ہے۔ خاتون کی درخواست پر تھانہ صدر بہاولنگر پولیس نے ایف آئی آر درج کر لی ہے۔ خاتون نے الزام لگایا ہے کہ انتظار نے خاتون کو اسکے بیٹے کا رشتہ تلاش کرنے کا جھانسہ دیکر بلایا اور زبردستی جنسی زیادتی کا نشانہ بنا ڈالا۔
اہل علاقہ کا کہنا ہے کہ گرلز سکول کا ملازم انتظار مشکوک کردار کا حامل ہے اور منشیات استعمال کرتا ہے۔ اس جیسے ملازم کا بچیوں کے سکول میں ڈیوٹی کرنا انتہائی خطرناک ہے۔ انکا یہ بھی کہنا تھا کہ وہ سکول کی ہیڈ ٹیچر کو کئی بار اس کی شکایت کر چکے ہیں مگر ہیڈ ٹیچر نے کوئی کاروائی نہیں کی۔ معززین علاقہ اور سکول میں زیر تعلیم بچیوں کے والدین نے سیکرٹری سکول ایجوکیشن ، کمشنر بہاولپور ، ڈپٹی کمشنر بہاولنگر اور سی ای او ایجوکیشن بہاولنگر سے مطالبہ کیا کہ انتظار نامی ملازم کو فی الفور گرلز سکول سے تبدیل کیا جائے۔ اور اس کے خلاف سخت محکمانہ کاروائی عمل میں لائی جائے ۔